09 августа 2019

Чăваш кĕнеке издательствинче Алимпиада Кручининăн «Времена года. Çулталăк вăхăчĕсем» кĕнеки кун çути курчĕ. Унта тăван тăрăх илемне çутатакан сăвăсем кĕнĕ.
Кĕнекери хайлавсене çулталăк вăхăчĕсене кура уйăрнă. Вĕсем ачасене çут çанталăкри улшăнусене асăрхама вĕрентеççĕ. Алимпиада Петровнăн сăввисенче веçех чĕрĕлет. Сăмахран, çуркунне — сенкер кĕпе тăхăннă савк хĕрача. Хĕл çил-тăманпа сăмахлать. Чĕр чунсемпе кайăксем, йывăçсемпе тĕмсем — пурте çут çанталăкпа килĕштерсе пурăнаççĕ. Илеме ахаль япалара курма пĕлекен, тăван тăрăхпа хавхаланакан, ăна упракан телейлĕ. Кашни сăвă вулакана çак шухăш патне илсе çитерет. Алимпиада Кручининăн кĕнеки тăван тавралăха лайăхрах пĕлме пулăшĕ.
«Хыпар», № 88-89(27521-27522).
09.08.2019.