12 апреля 2021

Чăваш Республикин Патшалăх Канашĕн пуçарăвĕпе Чăваш Енре ака уйăхĕн 10-25-мĕшĕсенче Чăваш чĕлхин кунне халалланă «Ачана чăвашла çырнă кĕнеке парнеле» ырă кăмăллăх акцийĕ иртет.
Ку ыр кăмăллăх акцине ирттересси çинчен пуçарупа ЧР Патшалăх Канашĕн председателĕ Альбина Егорова тухса калаçнă. Аса илтеретпĕр, Чăваш чĕлхин кунне кашни çулах акан 25-мĕшĕнче, чăваш халăхне çутта кăларнă Иван Яковлев çуралнă кун ирттереççĕ.
Акци пынă вăхăтра Чăваш Енĕн Патшалăх Канашĕн депутачĕсем чăваш чĕлхин шăпишĕн пăшăрханакан çынсене пĕр тĕллевпе пĕрлешсе шкулчченхи вĕренÿ учрежденийĕсене çÿрекен, шкулсенче вĕренекен, нумай ачаллă çемьесенче ÿсекен ачасене чăвашла кĕнекесем парнелеме чĕнсе калаççĕ.
Хисеплĕ депутатсем, чиновниксем, предпринимательсем тата тăван чĕлхе шăпишĕн пăшăрханакансем, сире те ыр кăмăллăх акцине хутшăнма, чăваш ачисене чăвашла кĕнекесем парнелеме йыхравлатпăр!
«Авангард», Патăрьел район хаçачĕ, № 27(11072).
12.04.2019.