05 апреля 2019

«Литературăллă Чăваш Ен: 2017 çулхи чи лайăх вуланакан кĕнеке» республикăри вулав акцийĕн-конкурсĕпе килĕшÿллĕн Элĕкри тĕп библиотекăра Валериан Муравьевăн «Çылăхлă арçын» çĕнĕ кĕнеки тăрăх вулав конференцийĕ пулнă. В.Муравьевăн пысăк ĕçĕсенчен пĕри ‒ «Çылăхлă арçын» роман. Унти ĕçсем вăрçă вăхăтĕнче тата хыççăн пулса иртеççĕ. Вуласа тухнă кĕнеке тата унăн геройĕсем çинчен Л.Константинова, Е.Ильина, Е.Порфирьева, Л.Григорьева, Ю.Павлова, Е.Евдокимова тата ыттисем хăйсен шухăшĕсене пĕлтернĕ. Районти тĕп библиотека вулаканĕсем палăртнă тăрăх, В.Муравьевăн «Çылăхлă арçын» романĕ Элĕк Енре чи вуланакан кĕнеке.
«Пурнăç çулĕпе», Элĕк район хаçачĕ, № 25(11842).
05.04.2019.