06 апреля 2019

Чăваш кĕнеке издательстви регионсем хушшинчи «Чăваш кĕнеки. Çамрăк талантсем» конкурса пĕтĕмлетсе тĕрлĕ номинаципе çĕнтерÿçĕсене палăртрĕ. Пултарулăх тупăшăвне 8-мĕш хут йĕркелерĕç.
Кăçал Чăваш Республикинче, Тутарстанра, Бурятире тĕпленнĕ 80 ытла çын конкурса хăйсен ĕçĕсене ярса панă. Мала тухнисен йышĕнче «Чăваш хĕрарăмĕ» хаçат корреспонденчĕ Марина Тумаланова та пур. Вăл «Чăваш кĕнеке издательствин кĕнекине чи лайăх хаклани» номинацире 3-мĕш вырăн йышăннă. Хаçат ĕçченĕ Алексей Медведевăн «Чун хыпса çунсан» кĕнекинчи калавсемпе повеçсенчи хĕрарăм сăнарĕ тавра çырнă.
Мария РОМАНСКАЯ.
«Чăваш хĕрарăмĕ», № 13(1088).
06.04.2019.