09 апреля 2019

Апрелĕн 16-мĕшĕнче Чăваш Республикин ача-пăча тата çамрăксен библиотекинче «Чăваш кĕнеки. Çамрăк талантсем» регионсем хушшинчи 8-мĕш конкурсăн çĕнтерÿçисене чысланă. Пултарулăх ăмăртăвĕ декабрĕн 1-мĕшĕнчен пуçласа мартăн 1-мĕшĕччен тĕрлĕ номинацире иртнĕ. Унта ачасемпе пĕрлех аслисем те ‒ пурĕ 83 çын – хутшăннă Чăваш кĕнеке издательстви йĕркеленĕ конкурса пирĕн район ачисем хăйсен ĕçĕсене тăратнă. Акă Элĕкри вăтам шкулта кĕçĕн класра вĕренекен, чăваш кĕнекисене вулама юратакан Анастасия Михайлова призерсен йышне кĕнĕ. Вăл «Чăваш кĕнеке издательствин кĕнеки çинчен чи лайăх хаклав» номинацире палăрнă.
«Пурнăç çулĕпе», Элĕк район хаçачĕ, № 29(11846).
19.04.2019.