12 апреля 2021

АПРЕЛĔН 10-26-мĕш кунĕсенче Чăваш Республикин Патшалăх Канашĕ «Ачана чăваш чĕлхипе çырнă кĕнеке парнеле» акци ирттерет. Ку вăл ЧР Патшалăх Канашĕн ертÿçин Альбина Егорован пуçарăвĕ.
Аса илтеретпĕр, Чăваш чĕлхи кунне кашни çулах Аслă Вĕрентекенĕмĕр И.Я. Яковлев çуралнă кунĕнче ‒ апрелĕн 25-мĕшĕнче паллă тăватпăр. Паян эпир чăваш çемйисенче час-часах ашшĕ-амăшĕ ачисене тăван чĕлхепе калаçма вĕрентменнине куратпăр, çавăнпа та чăвашла кĕнеке парнелени ачасене тăван культурăпа çывăхлатасса шанатпăр.

Чăваш Республикин Патшалăх Канашĕ.

«Шăмăршă хыпарĕ», № 26(11413).

12.04.2019.