25 марта 2021

Чăваш кĕнеке издательстви «Чăваш кĕнеки. Çамрăк талантсем» конкурса пĕтĕмлетнĕ. Тăватă уйăха тăсăлнă пултарулăх ăмăртăвĕнче çĕнтерÿçĕсене тĕрлĕ номинацире палăртнă.
Конкурса Чăваш Енре çеç мар, Чĕмпĕр облаçĕнче, Тутар, Бурят республикисенче пурăнакан 80 çын хутшăннă. «Юратнă кĕнекери сăнар» тема тăрăх хатĕрленĕ чи лайăх ÿкерчĕк» номинацире тĕрлĕ ÿсĕмри конкурсçăсене хакланă. Хăйсен аллипе чи лайăх кĕнеке хатĕрлекенсем Шупашкарти Ярослав Андреев, Çĕнĕ Шупашкарти Ася Журавлева, Маша Журавлева, Улан-Удэ хулинчи Василиса Дорофеева тесе палăртнă. Юратнă кĕнекесем пирки видеоролик ÿкерекенсем те пулнă. Кĕнекепе туслă ачасемпе çамрăксене çитес вăхăтра чыслĕç.
«Çамрăксен хаçачĕ», № 13(6259).
04.04.2019.