11 апреля 2021

ЧР Патшалăх Канашĕн председателĕ Альбина Егорова сĕнÿпе тухнă: Чăваш чĕлхи кунĕ тĕлне ыр кăмăллăх акцийĕ ирттермелле. «Ачасене чăвашла кĕнеке парнеле» ятлăскер ака уйăхĕн 10-25-мĕшĕсенче пулĕ.

Альбина Егорова палăртнă тăрăх, чылай çемьере ашшĕ-амăшĕ чăвашла пĕлет, ачисем ‒ çук. «Пирĕн республикăра пурăнакансен 67% ‒ чăвашсем. Чĕлхене, йăла-йĕркепе культурăна сыхласа хăвармалли пĕр май кăна пур: ачасене тăван чĕлхене вĕрентмелле, чăвашла кĕнекесем вуласа памалла», ‒ тенĕ вăл. Акцие кашниех хутшăнма пултарать: кĕнекесене шкул ÿсĕмне çитмен, нумай ачаллă çемьере çитĕнекен шăпăрлансене, шкул ачисене парнелĕç.

«Çамрăксен хаçачĕ», № 4(6260).

11.04.2019.