«Чăваш романĕ» конкурс малалла пырать
13 марта 2023
Хĕл кунĕсем тĕлĕнмелле хăвăрт иртсе кайрĕç, çуркунне çитсе те тăчĕ. Сиссе те юлаймăпăр, çăвĕпех сар хĕвел ытамĕнче уçăлса çÿрĕпĕр, пахчаналла та ялалла ĕçлеме, тинĕс хĕррине канма çул тытăпăр. Унччен вара тепĕр хут «Чăваш романĕ» конкурс пирки аса илтеретпĕр. Çĕртме уйăхĕн пĕрремĕшĕччен Чăваш кĕнеке издательстви роман ал çырăвĕсене чăтăмсăррăн кĕтет. Эппин, тăсса ан ярăр, хайлавăрсене ярса парăр.
Аса илтеретпĕр.
Конкурса тăратнă ĕçсем чăвашла çеç пулмалла, урăх чĕлхерен чăвашла куçарнă хайлавсене пăхса тухмаççĕ. Конкурса халиччен кĕнеке пек пичетленмен хайлавпа хутшăнмалла.
Конкурса тăратакан хайлавсен тематики ирĕклĕ, калăпăшĕ – А4 форматпа 700 страницăран ытла мар.
Уйрăм страницăсенче:
1) авторăн ятне-шывне (литературăри псевдонимне, паспортри ячĕпе хушаматне);
2) хайлав ятне чăвашла тата вырăсла;
3) хайлавăн кĕске аннотацине чăвашла тата вырăсла
4) автор адресне, телефон номерне, электрон почтине (пур пулсан)
5) авторăн чăвашла тата вырăсла çырнă кĕске биографине хатĕрлесе памалла.
Конкурс ĕçĕсене 2023 çулхи çĕртме уйăхĕн 1-мĕшĕччен fed_ol@mail.ru электрон адреспа е почтăпа çак адреспа ярса памалла: 428019, Шупашкар хули, Иван Яковлев проспекчĕ, 13-мĕш çурт, Чăваш кĕнеке издательстви, «Чăваш романĕ» конкурса».
Тĕплĕнрех (8352) 57-16-63 телефонпа ыйтса пĕлме пулать.
Чи интереслĕ хайлавсене кĕнекен хатĕрлесе кăларăпăр. Çырăр, хутшăнăр, вулакансене савăнтарăр! Вĕсем сирĕн романсене чăтăмсăррăн кĕтеççĕ!