«Уланкăсем çула тухсан» кĕнеке кун çути курчĕ

Кĕçех çуллахи каникул çитĕ. Мĕнпур ачапча ăна чăтăмсăррăн кĕтет. Ара, чун каниччен выляма-кулма, тĕрĕслев ĕçĕсемпе уроксенчен канма тинех май пулать-çке. Çав хушăрах кĕнеке вулама та манас марччĕ.
Акă Чăваш кĕнеке издательствинче нумаях пулмасть пичетленсе тухнă кăларăм кĕçĕн çулти вулакансемпе тĕл пулма хатĕр те. Пулла çÿреме юратакансем пушшех хапăлласа йышăнĕç ăна. Мĕншĕн тетĕр-и. Мĕншĕн тесен Александр Михайловăн çĕнĕ кĕнеки шăп та лăп пулăсем çинчен. «Уланкăсем çула тухсан» ятлăскер 1000 экземплярлă тиражпа кун çути курнă. Редакторĕ - Ольга Иванова, ÿнерçи - Екатерина Васильева. Кĕнеке алçырăвĕ ачасемпе çамрăксем валли чăвашла çырнă произведенисен 2018 çулхи конкурсĕнче çĕнтернĕ. Конкурса Чăваш Республикин Министрсен Кабинечĕ 2011 çулхи июнĕн 16-мĕшĕнче йышăннă постановленипе килĕшÿллĕн йĕркеленĕ.
Юмахри тĕп сăнарсем - Сакăрйăрăмпа Çутăçурăм пĕртăвансем - пур енĕпе те маттур, вăр-вар уланкăсем. Ватă Уланкă вĕрентекен каланине тимлĕ итлеççĕ, ялан мĕн те пулин çĕнни пĕлме ăнтăлаççĕ вĕсем. Çав хушăрах пуринчен те ытларах ашкăнаççĕ.
Пĕррехинче харсăрскерсем çула тухаççĕ. Пĕвере ишнĕ май çыран хĕрринчи ачасен калаçăвне тăнлаççĕ. Сасартăк тавралăх кĕмсĕр-р! кĕрлесе каять. Сакăрйăрăмпа Çутăçурăм кĕтмен çĕртен инкеке кĕрсе ÿкеççĕ - иккĕшĕ икĕ юхан шыва лекеççĕ. Кунашкал лару-тăрура пĕр-пĕрне шыраса тупма пĕртте çăмăл мар. Мăн пулă текен çăткăн уланкă, çăрттан евĕр пулăсем хаваспах хыпса çăтма хатĕр пĕчĕкскерсене. Юрать-ха, ырă канаш паракансем тупăнсах тăраççĕ...
Кĕнекере пулăсен чăвашла тата вырăсла ячĕсене те илсе панă, кашни пуллине ÿкерсе кăтартнă.

Скоро настанут летние каникулы. Все дети ждут их с нетерпением. Наконец-то можно будет вдоволь поиграть и порезвиться, отдохнуть от уроков и проверочных работ. Между тем надо найти время и для интересного чтения.
Недавно в Чувашском книжном издательстве вышла в свет книга, адресованная детям младшего школьного возраста. Особенно она понравится маленьким рыбакам, ведь речь в ней идет о рыбках. Книга Александра Михайлова «Уланкăсем çула тухсан» (Окунята-путешественники) вышла тиражом 1000 экземпляров. Редактор – Ольга Иванова, художник – Екатерина Васильева. Рукопись книги – победитель конкурса рукописей книг для детей и юношества на чувашском языке. Конкурс проводится в соответствии с постановлением Кабинета Министров Чувашской Республики от 16 июня 2011 года.
Окуненок Восемь полос и окуненок Светлая спина – братья-близнецы. Попав в беду, они разлучились: один попал в реку Большой Цивиль, другой – в Суру… Знания, полученные в школе от учителя Старого Окуня, природная смекалка и дружелюбие помогают им обрести новых друзей. Им на пути повстречаются Пескарь, Вьюн, Плотва, Ерш, Сом и другие рыбы, каждая из них протягивает руку помощи…
Но как встретиться вновь, находясь в разных реках? Старый Сом дает совет: надо братьям выйти в Волгу и плыть навстречу друг другу. Да вот незадача: окуненок Восемь полос и его друг Вьюн не дослушали мудрую рыбу. Чем закончилась история – поведает сказка.
В книге читатели найдут названия рыб на чувашском и русском языках, каждая рыба проиллюстрирована?