Произведения Николая Ижендея любят и взрослые, и дети. На днях в Чувашском книжном издательстве вышел в свет его сборник «Ыранхи кун вĕçевĕ» (Полет завтрашнего дня). Редактор издания – Ольга Иванова, художник – Светлана Бритвина. Тираж – 600 экземпляров.
В новую книгу писателя вошли повесть, повесть-сказка, рассказы, стихи, адресованные детям среднего школьного возраста. Герои заглавной повести «Ыранхи кун вĕçевĕ» (Полет завтрашнего дня) – Тимук Яргунов и Михалюк Савандеев – словно близнецы, всегда вместе. Мальчишки учатся в одном классе, вместе проводят время. Однажды им приходит в голову идея сделать планер – летательный аппарат с неподвижным крылом, который поддерживается в полете динамической реакцией воздуха на его подъемные поверхности и свободный полет которого не зависит от двигателя. Поначалу друзья никому не сообщают о своем новом увлечении. У них есть свои причины все держать в секрете.
Повесть-сказка «Хаваслă йыш» (Дружная компания) приглашает читателя в необычное путешествие. У каждого путника своя конечная цель, однако башмачок по имени Башмук, кукла Арине, игрок Чибуккай, Звездный мальчик Ой и мышонок Пик отправляются в путь вместе. Их ждут самые настоящие приключения.
В рассказах и стихах автор живо и ярко описывает мир детства, уделяет внимание животным, природе.

Николай Ишентейĕн «Ыранхи кун вĕçевĕ» кĕнеки пичетленчĕ

Николай Ишентейĕн хайлавĕсене ачасем те, çитĕннисем те юратса вулаççĕ. Çыравçăн пултарулăхĕ анлă. Вăл тĕрлĕ жанрпа ĕçлет: поэмăсем, сăвăсем çырать, юмахсем хайлать. Прозăра та çитĕнӳсем пур – калавсемпе повеçсен темиçе пуххи вулакан патне çитнĕ. «Литературăллă Чăваш Ен: чи нумай вуланакан кĕнеке» фестиваль-конкурсра унăн кĕнекисем тăватă хутчен çĕнтерӳçĕ ятне тивĕçнĕ. Ачасемпе çамрăксем валли çырнă кĕнеке ал çырăвĕсен республикăри конкурсĕнче пĕрре мар мала тухнă. Раççей писателĕсен союзĕн членĕ.
Çак кунсенче Чăваш кĕнеке издательствинче Николай Петровичăн çĕнĕ кăларăмĕ – «Ыранхи кун вĕçевĕ» – кун çути курчĕ. Вăтам классенче вĕренекенсем валли хатĕрленĕскерне повеçсемпе калавсем тата сăвăсем кĕнĕ. Редакторĕ – Ольга Иванова, ӳнерçи – Светлана Бритвина. Тиражĕ – 600 экземпляр.
«Ыранхи кун вĕçевĕ» повеçри тĕп сăнарсем – Тимук Яргуновпа Михалюк Савандеев – йĕкĕрешсем пекех, ялан пĕрле. Маттурскерсем вĕренӳпе çеç çырлахмаççĕ, планер – сывлăш хумĕпе çӳле çĕкленекен самолет – ăсталама шут тытаççĕ. Малтанлăха кун çинчен никама та каламаççĕ арçын ачасем. Ĕмĕте вăрттăнлăхра тытма тĕрлĕ сăлтав пур çав.
Хайлаври ачасем туслăха хаклама пĕлеççĕ, йывăрлăха лекнĕ тантăшĕсене пулăшма ăнтăлаççĕ, вăл е ку енĕпе хăйсенчен раснарах çынсене ăнланма тăрăшаççĕ. Тимукпа Михалюк ăс пухакан класа çĕнĕ хĕрача – Камиле – вĕренме килсен ăна пурте ăшшăн йышăнаççĕ, суккăр хĕрачана хăйсенчен уйăрса ямаççĕ. Ачасемшĕн Камилен тĕнчи, хура чатăрпа карăннăскер, ют, çавăнпа тĕлĕнмелле. Вĕсем хĕрачана мĕнле те пулин савăнтарасшăн, вăл мĕнле майпа кĕнеке вуланине, çĕнĕ пĕлĕве ăша хывнине ăнкарса илесшĕн. Камиле пуçне усмасть, хăй суккăр пулнишĕн никама та кӳренмест, вĕчĕрхенмест. Савăк кăмăлĕ кулленхи йывăрлăхсене парăнтарма пулăшать мар-и. Унăн «шанчкăлă тĕрев пур: пурин пек ачана çамрăк кĕрĕм йышран уйăрманни сиплет, çунат хушать, пурăнма хавхалантарать».
«Хаваслă йыш» повесть-юмах вулакана çулçӳреве йыхравлать. Кашнин хăйĕн тĕллевĕ пулин те, Башмук ятлă пушмак, Арине пукане, Чипуккай вăйăçă, Ой Çăлтăр ачи тата Пик шăши вăрăм çула пĕрле тухаççĕ, темĕн те пĕр кураççĕ.
Калавсемпе сăвăсенче çыравçă ача-пăча, чĕрчун тĕнчине яланхи пек ăста та илĕртӳллĕ сăнарлать. «Юратса тунă ĕç хуçине те чапа кăларать», – текен шухăш хайлавсенче тĕпре.

Ольга АВСТРИЙСКАЯ