отдел продаж
Книжные новинки
Корзина
(пусто)
(0 руб.)

«Усрав ывăл» кĕнеке кун çути курчĕ

16 ноября 2026

Чăваш кĕнеке издательствинче «Алран алла» ярăмпа «Усрав ывăл» кăларăм кун çути курчĕ. Ăна пухса хатĕрлекенĕ – Галина Антонова, редакторĕ – Надежда Вечеркина. Тиражĕ – 1140 экземпляр.

Коллективлă сборника Владислав Николаевпа Николай Максимовăн повеçĕсем, Римма Прокопьевăн, Валентина Тараватăн, Виталий Шемекеевăн, Василий Кошкин-Кервенĕн, Хветĕр Агиверăн тата Владимир Кузьминăн калавĕсем кĕнĕ. Хайлавсенчи сюжет ĕмĕрхи тема – юратупа туслăх, чунлăхпа çынлăх, кăмăл-сипет – ыйтăвĕсем тавра явăнать. Çак кĕнекене кĕнĕ произведенисенчи геройсен шăпи тĕрлĕрен, анчах пурте вĕсем ыррине шанаççĕ, телейлĕ пулма ăнтăлаççĕ. Повесть-калавра пулса иртекен пулăмсем вулакана пĕр култараççĕ те пĕр йĕртеççĕ – чуна пырса тивеççĕ.

 

Надежда ВЕЧЕРКИНА